TSI! GXADA! TSI! GXADA TSI! TYHINI NAM NDIWELILE
SELILDE NOKO ELITHUBA NDIKHANGELANA NENDAWO YOKUWELA
NDINGA NDINGAKUXELELA UKUBA NDIGQETHE PHI NA
NDINGA NDINGAKURHABULISA UKUBA BENDIFUDULA NDINTYWILA PHI NA
NDEHLILE NDINYUKA NDIPHEKUPHEKUZWA NGAPHA NANGAPHA
NDIHAMBA NDINTLITHEK’EMAWENI  NAKUMATHEMBEKA ENTABA KANDODA.
TSI GXADA TSI! TSI GXADA TSI! TYHINI NAM NDIWELILE.
SENDISUKA KUVUKA PHANTSI NDITYIBILIKA NDINGQUBEKA NGENQENTSU ENQAYINI.

KUDALA NDIQHAQHA ZELISA AMAZINYO NDITHWAXWA ZINGQELE
KUDALA NDIKHUBEKA NGOOBHONTSI NDIGRUZULWA NGAMATYE
NDIGUGELWA NGOO‘DLAMINI’ KUKRAZUKA ZIKIPAHA NDINGENABANI
NDIPETSHAPETSHANA NAMADLAVU WAM NDINGENE ESIXEKWENI
LONA UVALO  BENDINGENALO KWAPHELA
LOWO EBENDIHLEKA BENDIMJONGA NJE NDINCUMELE ECALENI
IMVULA YONA BENDIYAZI UKBA IZAKUNETHATA NASE NTLANGO
THYINI NAM NGENENE NDIWELILE

EWE BENDIYINTO YOHLEKISA KALOKU ENGINGQINI
EWE NJE AMAGQIYAZANA EWISITSHO NGESIQHAZOLO SENTSINI NDAKUDLULA PHAMBI KWAWO.
NDANDIMANE NDISITSHO NDISITHI MHLABA VULEKA NDINGENE
IZIDLELE ZAM BESEZIQHELILE UKWAMKELA IINYEMBEZI
IZIYOLO ZALOMHLABA BESENDIZIVA NGABAGQITHAYO
BEKUNJALO KE NAKUM! BEKUNJALO KE NAKUM!
BAMBELELA KULOMASEBE AHLABAYO NGOBA NAWE UZAKUGQITHA

NDANYANTSULA NDANYANTSULA TYHINI NAM NDAWELA...

MANDLA MBEKWA